SMBara

• Tanjona

• Asa

• Mpiasa

Sekoly

• Toerana

• Mpampianatra

• Ankizy

Pedagojia

• Green School Programme

• Inclusive Education

• Good Gouvernance

• Gender

• Green Education

• Cooperation

Inona no mahatonga

ny sekolinay ho

Sekoly Maitso Piloty?

"NY SEKOLINAY"

 Namolavola paik'ady tsara amin' ny maha sekoly maitso azy nySMBara

click image to read

Ela ny ela fa manomboka ny asa fanamboarana sekoly any Andaka. Faly noho izany ny ankizy fa tsy ho ela dia hisy efitrano tsara hianaran’izy ireo.

Ny Sekoly Maitso Andaka dia sekolin’ny FLM izay hita amin’ny faritra Atsimo Andrefana. Efa roa taona izao no tafiditra tao anaty Sekoly Maitso Bara i Andaka.

Izy no sekoly farany andrefana amin’ny faritra iasan’ny soritr’asa.

Nijaly tamin’ny mpampianatra sy tamin’ny trano sekoly nandritra ny taona maro ity sekoly ity. Nitondra fiovana ny fahatongavan’ny mpampianatra vaovao tao tamin’ny taom-pianarana 2007-2008 iny. Tafakatra hatrany amin’ny valom-polo mahery ny mpianatra nisoratra anarana raha telopolo izy tany aloha. Nanana mpampianatra ihany Andaka taloha fa nalefa tany Fandriana izy mba hampitombo fahalalana sy traikefa. (cf. Link Toerana - Andaka)

Nitombo maro ny mpianatra. Ny efitranon-tsekoly anefa ratsy. Sady trano vonjimaika hatramin’ny taona maro, izay nindramina tamin’ny fiangonana. Noho izany dia nangetaheta mafy ny fokonolona ny hanamboarana tranon-tsekoly ao an-toerana. Raha ny fahavononana dia mazoto be ary mavitrika ny olona ao Andaka.

Vao tsy ela akory dia nivoriana niaraka ny fokonolona sy ny solontena avy amin’ny Sekoly Maitso Bara foibe nikasa hanao trano sekoly. Mihisa valopolo olona ny olana manana karatra ao amin’ity toerana ity. Notapahin’izy ireo ary fa tsy maintsy mandray anjara avokoa ny olona izay efa manakaratra amin’ny fanamboarana ity trano ity. Ny president ny fokontany no anisan’ny mitarika an’izany ary manaraka ireo zoky olona ao amin’ny tanana.

Ny ankizy koa anefa nanana ny hetahetany. Tena niniry mafy izy ireo. Noho izany dia tsy niandry ny fanamboarana ny sekoly vaovao izy ireo fa efa nanomboka nianatra tamin’ny sekoly vonjimaika izay nomen’ny fiangoanana hampiasana. Efa nanomboka ihany koa amin’ny fanatsarana ny manodidina ny toerana izay nomen’ny fokonolona ny sekoly. Ohatra efa namboly hazo malagasy izy ireo, efa nanao zaridaina, sns.

Rehefa nanontaniana izy ireo dia tena tian’izy ireo ny mba hianatra amin’izany lakilasy izany ka tena faly izy ireo amin’ny fisian’ny Sekoly Maitso sy ny fanampiana azy ireo. Izany koa ny antony fa efa manatsara avy hatrany  ny toerana izy ireo.

Ny toerana misy any Andaka moa dia tena ratsy lalana. Noho ny fahazotoan’ny fokonolona anefa dia niezaka mafy izy ireo amin’ny fanamboatra ny lalana mba ahafahan’ny fiara mitatitra ny entana hatrao an-toerana.

Tamin’ny fitsidihana farany natao tany Andaka tamin’ny 09 Jolay farany teo dia 4 km sisa no tsy todin’ny fiara amin’ny lalana 37 km .

Hita fa tena miasa mafy ireto fokonolona ireto. Mitsangana ihany koa ny rindrina ary tsy ho ela dia hiakatra amin’ny tafo indray

Naly